Mae James North, a raddiodd mewn Cynllunio ar gyfer Perfformiad ac sydd hefyd yn Gymrawd y Coleg, wedi’i enwebu ar gyfer Gwobr BAFTA Cymru am Gynllunio Cynhyrchiad cyfres un o Discovery of Witches.
Last night we were honoured to attend the @BAFTACymru Nominees Party, where both James North and Juan Carlos Medina have been nominated for ‘Production Design’ and ‘Director: Fiction’ respectively for their work on @ADiscoveryOfWTV.#ADiscoveryofWitches#baftacymruawards pic.twitter.com/bcDb1XJg7T
— Bad Wolf (@BadWolf_TV) October 4, 2019
Yn seiliedig ar y drioleg boblogaidd gan Deborah Harkness, cynhyrchir y ddrama ffantasi ar gyfer Sky One gan gwmni cynhyrchu Bad Wolf o Gaerdydd.
Here we have #ADiscoveryofElizabethanSigns. We❤️ these set details. #ADiscoveryOfWitches pic.twitter.com/CEQUI33bWS
— ADiscoveryOfWitchTV (@ADiscoveryOfWTV) October 11, 2019
Cipolwg ar Gyfres 2, mae’r academydd a’r wrach ifanc Teresa Palmer a’i chariad y fampir cyfareddol (Matthew Goode) yn canfod eu hunain yn Blackfriars yn yr unfed ganrif ar bymtheg
Yn yr ail gyfres cawn weld Matthew a Diana yn cael eu cludo’n ôl i Loegr yn Oes Elisabeth, a mae’n waith James (gyda chymorth tîm o raddedigion CBCDC) i greu’r byd mae’r cymeriadau yn byw ynddo.
When the clapperboards are this gorgeous, you can imagine what the rest of the show looks like. #behindthescenes with @ADiscoveryOfWTV #ADOWS2 pic.twitter.com/Guisuxw9o1
— Deborah Harkness (@DebHarkness) September 12, 2019
Cyn hyn James oedd y Cyfarwyddwr Celf Goruchwyliol ar y gyfres gyntaf His Dark Materials, gyda Dafne Keen, Ruth Wilson, James McAvoy a Lin-Manuel Miranda ymhlith eraill yn serennu.
Caiff yr epig antur ffantasi hon hefyd ei chynhyrchu gan Bad Wolf yng Nghaerdydd, a bydd yn cael ei dangos gyntaf ar BBC One fis Tachwedd hwn.
THE MAGIC IS REAL: Well, virtually. Join us at London Waterloo 14-16 September to celebrate the launch of @ADiscoveryOfWTV by stepping inside the Bodleian Library c/o #SkyVR. #ADiscoveryOfWitches pic.twitter.com/1WlBG2b7mL
— Sky One (@SkyOne) September 13, 2018
Felly, pam ei fod yn cyflogi cymaint o raddedigion Coleg Brenhinol Cerdd a Drama Cymru ym meysydd Cynllunio ar gyfer Perfformiad a Rheoli Llwyfan a Theatr Dechnegol?
“Nid dim ond cynllunwyr sydd eu hangen arnom, rydym angen pobl sydd wedi’u trwytho yn y grefft gyfan, sydd â’r profiad ymarferol a’r gallu technegol i eistedd yn unrhyw le o fewn adran gelf ym maes teledu.
Y peth gwych am raddedigion CBCDC yw bod ganddynt etheg gwaith rhagorol, a set o sgiliau cyflawn, cadarn. Golyga hyn y gallant fynd i’r afael â’r gwaith ar unwaith pan fyddant yn ymuno â ni.
Gan fod y graddedigion wedi gweithio ar rep gyda Chwmni Richard Burton y Coleg, mae ganddynt lu o brofiadau ymarferol ar draws y maes, nid cynllunio yn unig ond mewn adeiladu a chreu modelau, er enghraifft.
Er efallai mai yn y theatr y mae’r gwaith hwn, mae’r rhain i gyd yn sgiliau trosglwyddadwy ar gyfer y byd teledu, yn ogystal â’r ffaith bod myfyrwyr yn treulio cyfnodau ar leoliad mewn gwaith teledu yn ystod eu cwrs.”
Mae James wedi gweithio ei ffordd drwy’r rhan fwyaf o brif gyfresi teledu’r degawd diwethaf, gan ddechrau fel Cyfarwyddwr Celf cynorthwyol ac yna Cynllunydd Cyswllt ar Doctor Who, drwy Torchwood, Line of Duty a Da Vinci’s Demons, cyn symud i Gynllunio Cynhyrchiad.
Gwnaeth Zsofia Ekler radd mewn Pensaernïaeth a Pheirianneg cyn dod i CBCDC i astudio MA mewn Cynllunio ar gyfer Perfformiad. Drwy James, cafodd ei swydd teledu gyntaf ar Da Vinci’s Demons fel dylunydd cynorthwyol. Ers hynny mae wedi gweithio ar wahanol gynyrchiadau yng Nghymru mewn rolau dylunio a chynllunio set.
Cynlluniodd Zsofia y set at gyfer fersiwn Oes Elisabeth Blackfriars yn Llundain.
Some more shots of our characterful Supporting Artists. #behindthescenes with @adiscoveryofwitchestv #ADOWS2 pic.twitter.com/R8w8SNIO3i
— Deborah Harkness (@DebHarkness) September 26, 2019
Dechreuodd y Rheolwr Lleoliadau Cynorthwyol Holly Voice astudio Rheoli Llwyfan yn y Coleg, ond sylweddolodd yn fuan ei bod am fynd i gyfeiriad gwahanol:
“Gyda diwydiant teledu mor ffyniannus yng Nghymru, anogodd fy narlithydd fi i ganolbwyntio ar hynny.
Treuliais ddau gyfnod ar leoliad tra roeddwn yn y Coleg, un gyda chwmni lleoliadau o Gymru sy’n arbenigo ym meysydd teledu, ffilm a digwyddiadau, a sylweddolais fy mod wrth fy modd yn gweithio yn yr adran lleoliadau.
Felly am weddill y cwrs canolbwyntiais ar fynd am yrfa ym myd teledu. Cefais swydd, ychydig cyn graddio, gyda’r cwmni lleoliadau olaf y gwnes dreulio cyfnod gydag ef.”
Mae Discovery of Witches hefyd yn cynnwys y graddedigion diweddar Edward Bluemel a Jacob Ifan yn y cast.
Meet Benjamin Fuchs and Sir Walter Raleigh!
Jacob Ifan (@DonLlanfihangel) and @MichaelLindall join the cast of @ADiscoveryOfWTV series 2. pic.twitter.com/D7sVpQzHJF
— Sky One (@SkyOne) September 5, 2019
Cewch ragor o wybodaeth am James yma: http://www.jamesnorthdesign.com/
Cewch ragor o wybodaeth am y cwrs Cynllunio ar gyfer Perfformiad yma:
Mae Bad Wolf yn cefnogi ysgoloriaeth yn CBCDC a’r flwyddyn nesaf bydd yn noddi Cwmni Richard Burton y Coleg.
Llun cyhoeddusrwydd: Bad Wolf Productions
Rhannu ar Twitter
Rhannu ar Facebook