Bob blwyddyn bydd ein myfyrwyr Cynllunio ar gyfer Perfformio sy’n graddio yn arddangos eu doniau rhyfeddol yn y Coleg ac yn y Bargehouse yn Llundain.
Eleni oedd un o’r arddangosfeydd Balance mwyaf erioed, gyda dros 40 yn arddangos eu gwaith.
“Mae Balance yn dathlu’r adeg pan fydd y rhai sy’n arddangos yn camu i mewn i’r diwydiant,” meddai’r Cyfarwyddwr Drama Sean Crowley.
“Mae’n gyfle i gyflogwyr gwrdd â’r genhedlaeth nesaf o ymarferwyr Cynllunio.
Gyda’r myfyrwyr BA yn cael canlyniad eu gradd y diwrnod wedi i ni agor yn Llundain mae’n nodi cwblhad eu hyfforddiant, gan arddangos rhwng y National Theatre a’r Tate Modern yng nghanol Llundain.”
Gwaith Balance 2019 gan y graddedigion Yuki Saluma, Elliot Ditton a Georgia Hill
Yn amrywio o luniadau cysyniad i bropiau theatr go iawn, mae Balance 2019 yn arddangos y gwaith gorau gan y genhedlaeth nesaf o gynllunwyr theatr i weithwyr proffesiynol y diwydiant, gan gynnig cyfleoedd rhwydweithio gwych ac yn llwyfan i lansio gyrfaoedd newydd ein graddedigion.
https://www.instagram.com/p/BzKthGWnsgv/?utm_source=ig_embed
Mae curadu’r arddangosfa bob amser yn gydweithrediad anferth rhwng ein holl fyfyrwyr Cynllunio, a oedd yn gyfrifol am drefnu ac adeiladu Balance yn y Coleg ac yn Llundain.
https://www.instagram.com/p/Byxh2ERn2Ya/
Dyma Clare Marie Johnson yn disgrifio sut y daeth gweithio ar Balance â chyfleoedd rhwydweithio a chyfle i siarad am ei gwaith gyda’r diwydiant, a sut y datblygodd hyn ei gwytnwch:
“Dysgais sut i weithio mewn grŵp a sut i ymdopi â gwahanol bersonoliaethau a pheidio â bod ofn plymio i mewn i dasg nad oeddwn i wedi ei gwneud o’r blaen.
Rydw i wedi deall os oes angen i rywbeth ddigwydd y bydd yn digwydd, ac i beidio â phoeni. Roeddwn i hefyd wrth fy modd gyda’r hyn roeddwn i’n ei arddangos ac yn falch i siarad amdano gyda phobl y tu hwnt i’r Coleg.”
Ar ôl graddio bydd Clare yn mynd ar leoliad gwaith gydag un o gyn-raddedigion eraill y Coleg, y pypedwr Max Humphries, ar ôl i’w phyped o gath ddal sylw Max yn Balance. Mae Clare hefyd wedi gwerthu ei phaentiad cyntaf yn yr arddangosfa.
Pyped cath gafaelgar Clare Marie Johnson yn cael ei arddangos yn Balance yn Llundain
Edrychwch ar ein horiel cyfryngau cymdeithasol isod sy’n adrodd hanes Balance 2019.
https://www.instagram.com/p/Byr7ks6H2ma/
https://www.instagram.com/p/BvY0HVhn08D/
https://www.instagram.com/p/BynmXBsHoLx/
Gallwch ddarganfod mwy am Balance yma ac am ein cwrs Cynllunio ar gyfer Perfformio yma.
Storïau Cysylltiedig
http://blog.cbcdc.ac.uk/2019/02/16/enwebiad-gwobr-olivier-ar-gyfer-y-cynllunydd-gabriella-slade/
Rhannu ar Twitter
Rhannu ar Facebook