Ers graddio o CBCDC ym 1996 mae Tim Routledge wedi goleuo’r byd gyda sioeau rhyfeddol ar gyfer sêr mwyaf y byd cerddoriaeth a diwylliant poblogaidd, o’r X Factor ar ITV i Beyoncé.
Fodd bynnag, roedd 2019 yn uchafbwynt newydd: nid yn unig y cafodd ei benodi’n Athro Cadair Rhyngwladol Hodge mewn Rheoli Llwyfan cyntaf y Coleg, ac ennill gwobr Cynllunydd Goleuo y Flwyddyn am yr eildro…
Creodd hefyd sioeau a oedd yn torri tir newydd ar gyfer y Spice Girls yn Wembley a pherfformiad hanesyddol ac anhygoel Stormzy yn Glastonbury:
Tonight @Stormzy made history by being the first black solo British headliner at Glastonbury. The performance was political, iconic and the ballet was beautifully powerful. It won’t just go down in Glastonbury history – it’ll go down in our country’s cultural history. #Glasto2019 pic.twitter.com/pmRt5OuqBI
— Jeremy Corbyn (@jeremycorbyn) June 28, 2019
Roedd y sioe hon, y cafodd Tim a’i dîm ond awr i’w hadeiladu rhwng setiau yn Glastonbury, yn llwyddiant ysgubol.
Gan ddefnyddio dull gwahanol i lwyfannu’r set gerddoriaeth arferol, roedd yn adrodd stori drwy gydol y perfformiad, gyda’r holl heriau theatraidd a ddaw gyda hyn.
Enillodd Tim un o’i ddwy Wobr Knight Of Illumination am sioe Stormzy yr wythnos ddiwethaf.
The winner of the @DTSlighting for Events is Tim Routledge for @stormzy at Glastonbury. Though not here tonight, we had a fantastic video sent in in case he won! #KOI2019 ⚔️ pic.twitter.com/dnxMlj446N
— Knight of Illumination Awards (@KOIAwards) September 15, 2019
Roedd y llall am sioe Psychodrama y rapiwr a’r enillydd Gwobr Mercury, Dave, yn Brixton Academy.
https://www.instagram.com/p/BxAmr2dJhWO/?utm_source=ig_embed
Rhaid cofio hefyd am daith y Spice Girls yn gynharach yn y flwyddyn….
https://www.instagram.com/p/BxtyUBcnUW3/?utm_source=ig_embed
Wedi gwylio’r Spice Girls ei hun yn Wembley yn ôl ym 1998, ni fyddai Tim wedi dychmygu y byddai’n gyfrifol am oleuo taith stadia 2019, a oedd yn cynnwys y rig goleuo mwyaf iddo erioed ei gynllunio.
EVERYONE WELCOME 😭😭😭😭💕💞💓💘❤️💕💞💓💓💘💞💕❤️ #SpiceWorld pic.twitter.com/bgYXwuv3mZ
— 【passsta】🐍✨ (@pastasauca) June 6, 2019
Cafodd gyfle yn ogystal i weithio gyda’r cynllunydd setiau Gabriella Slade, sydd hefyd yn un o raddedigion y Coleg.
I’m very proud that the exceptional creative work on #SpiceWorld is being acknowledged. Thank you @WeTransfer and well done @GabriellaSlade & @katemoross for your amazing effort xhttps://t.co/sguYGy5Ffd
— Mel C / Melanie C (@MelanieCmusic) June 26, 2019
“Byddaf bob amser yn seilio fy nghynlluniau ar sut rydw i am oleuo’r artist yn gyntaf.
Felly ar gyfer y Spice Girls, roedd y cyfan yn ymwneud â steil a pherffeithrwydd mewn goleuo allweddol, ac ar gyfer Stormzy roedd yn ymwneud ag e’n bod yn ffigur cerfluniol gyda theimlad gwahanol iawn… Fe aethom â De Llundain i fferm.”
Tim Routledge, yn sgwrsio ag NME.
Meet the lighting designer behind Stormzy’s incredible Glasto set https://t.co/GPCrp0Mro7 @Tim_LD @GlastoFest @ameliax1
— Gareth Richman (@GarethRichman) June 29, 2019
“Mae rheolau cynllunio llwyfan yn agored ac rydw i bob amser yn cadw fy llygaid ar agor i chwilio am rywbeth unigryw. Y cymysgedd sy’n gwneud y cyfan mor hynod ddiddorol.’
Tim Routledge, Evening Standard
Yn y gorffennol mae Tim wedi goleuo Gemau Olympaidd Beijing, Gemau’r Gymanwlad a llu o enwau mwyaf y byd cerddoriaeth.
Bydd yn dychwelyd i’r Coleg i gyflwyno prosiectau gyda’n myfyrwyr dros y flwyddyn nesaf.
Cewch ragor o wybodaeth am ein cyrsiau Rheoli Llwyfan yma.
Storïau cysylltiedig
Dewch i gwrdd â’n Hathro Cadair Rhyngwladol mewn Rheoli Llwyfan: Tim Routledge
Rhannu ar Twitter
Rhannu ar Facebook